حلوة الكورة رياضة جميلة حلوة الروح والجو اللى بتعمله الكورة حلو تكاتف المصريين وحلوة الفرحة

بس مش حلو اللى بيحصل علشانها نسيب شغلنا وحياتنا وسياستنا والناس اللى جعانه والزعلانه وكل حاجه فى الحياة

وكأن الحياة وقفت فجأه على الماتش لو كل حاجه تبقى بعقل هتبقى احلى كتير لو التشجيع  يبقى بعقل

ونشكر ربنا ونقول قدر الله وما شاء فعل وشكرا للمعلم حسن شحاته اللى وصلنا للمستوى دا

وشكرا لرجاله مصر اللعيبه اللى بجد المحترمين بجد المؤدبين بجد اللى شرفونا قدام العالم

يا ريت نبقى مع اللعيبة والمنتخب فى المكسب والخسارة مش المكسب بس نهلل ونسقفلهم ولما يخسروا نعلق ليهم المشانق

الكورة دى لعبه يعنى حظوظ لازم فيها غالب ومغلوب والحمد لله وقدر الله وما شاء فعل